- घनश्याम खड्का
सबभन्दा पहिला
च्यात्यो उसले
आफ्नै नागरिकता
र भन्यो
सुन ए मान्छे हो
लौ, आजैबाट सुरु भयो,
यस युगको अन्तिम युद्ध
कस्तो अनौंठो कुरा !
ऊ अब मेटिदिन्छ रे
संसारभरको देशका नक्शा !
अब भत्काउँछु
रगतले उमारेका सबै पर्खाल
अब मेट्छु
रगतले कोरेका सबै सीमाना
उ बेस्करी चिच्यायो
मलाई चाहिन्छ
सग्लो पृथ्वी
यी ! अहिल्यै जलाइदिन्छु
राष्ट्रवादका
मोटा, मोटा गाथाहरु
खबरदार !
हिन्दू, मुसलमान र क्रिश्चियनहरु !
खबरदार !
सन्त, पादरी र भिक्षुहरु !
अबदेखि खारेज भए
तिम्रा सम्प्रदाय र साम्राज्यहरु
अबदेखि मरे
तिम्रा संकीर्ण ईश्वर र आस्थाहरु
राजकुमार !
अबउप्रान्त
मान्ने छैन तिम्रो देश
जर्साब !
आजैबाट तोडेँ
तिम्रो सुरक्षा घेरा !
सक्ने भए
ब्यारेकमा कैद गर घामलाई
सक्ने भए
बारुदले उडाइदेऊ
त्यो डाँडामाथिको जूनलाई
राजकुमार !
अबदेखि मान्नेछैन तिम्रो देश !
veeeeeerrrry nice poem. keep it up kabi jyu ! u have realy extra creative power. but the title of poem doesn’t match with poem’s theme. anyway, beautiful poem.
phulman
doct sap, poetry good chha hai
Poem is nice. Keep it up .